AC League 迎接新一個球季前，2016-17年度的比賽亦完成得七七八八，各級閒日及週末聯賽盃亦陸續上演了決賽決定冠軍誰屬啦！回顧咁多個決賽，精彩程度各有千秋，有D戰況更扣人心弦，峰回路轉！贏得冠軍嘅球隊梗有D過人之處。今期就比個機會比各級冠軍球隊剖白得獎感言啦！
之前已提及，AC League All Stars 在暑假期間不斷征戰公開賽，包括「深水埗盃七人足球賽」、「工聯盃慶回歸二十週年-七人足球挑戰賽2017」，慶幸奪得冠軍佳績。在秋季，七人足球公開賽更是一浪接一浪，先後有10月的灣仔盃，11月的九龍城盃，黃大仙盃及油尖旺盃，不過即使AC League 已經嚴選各隊球星，挑戰不同盃賽的陣容亦比暑假期間有過之而無不及，可是始終略為分散兵力，而且撞期等不利因素，同時間在一個月內完成各項盃賽確實有非常難度，除了在灣仔盃有充分時間準備下奪得季軍，其餘比賽遺憾地未能打人四強。雖然個別比賽成績未盡如意，但各位球星，以至AC League 教練及工作人員團隊都從不氣餒，在劣勢比賽下仍踢得拼搏，即使輸掉比賽，整體表現絕對毫不失禮，我們仝人亦希望下屆再來過，展現運動家精神！相信未來佳績可期，亦為AC League 其他球隊以至青少年足球訓練樹下榜樣！
AC League All Stars 秋季參加的公開賽事豈止地區性比賽，亦包括上年度已被邀請的「廠商盃七人足球賽」！是屆比賽AC League 主席余漢倫力邀在銀行盃不同銀行界精英組成的「銀行艦隊」，可能大家做慣對手，非常熟悉彼此踢法，呢隊AC League All Stars 銀行明星隊出奇地表現可人！在十六強擊敗香港客戶中心協會輕鬆晉級後，更在八強憑鬥志及硬淨防守以3-2反勝上季淘汰己隊兼冠軍球隊香港中小型企業聯合會，四強面對強敵香港電腦商會，亦即上屆亞軍，如非主力勇戰受傷，以4-4完場而射輸十二碼，相信我們有力勇闖決賽！最後我們奪得雙季軍，各位銀行界精英總算係有哂交代！
另一方面，我地AC League 新球季2017/18年度已經開波啦，新增的拍攝配套能夠捕捉各位好波之人的精湛球技，唔知係咪因為呢個原因，大家好想喺鏡頭下表現自己，各項聯賽入波數量更加多左，比賽刺激程度一定提升不少！相信睇緊雜誌嘅讀者，又或是業餘足球愛好者，如果你地都腳痕難耐，要一展身手，就唔好猶豫啦，叫埋你地戰友組隊參加我們的AC League 各級組別足球聯賽啦！有興趣參與者可到以下網頁及與本會聯絡報名詳情。
AC League 足球興趣班在各區繼續招生，恆常班繼續提供平台予小朋友發揮及鍛練其運動細胞，假以時日我們亦希望個個小朋友都能夠像我們的教練團隊及球星們參加公開賽爭取奬項，為足球的付出作出一個肯定，亦作為其運動成就的鼓勵。由現在起，所有參與AC League 足球訓練班的小朋友，我們都會為學員以優惠價製作精美球衣，訓練醒神之餘，亦為未來比賽挑戰做好準備！如有興趣了解足球訓練班資訊，歡迎與本會查詢詳情。
如欲了解本會最新動向，歡迎瀏覽網頁www.acleague.org
Fan page: AC League 及 愛施會，或
email: info@acleague.org 或
致電 93277203 向主席Alex Yu 查詢, 謝謝！