剛過去的暑假，AC League 主席Alex Yu 除了繼續忙於聯賽事務，同時亦身負重任，就是帶領一班5-7歲小朋友參加賽馬會足球訓練計劃，追尋足球夢！

今年不單止負責每天的訓練項目，我亦特別擔當領隊工作，協助呢班擁有優厚潛質的小朋友出戰暑期足球比賽。即使烈日當空，仍然無損佢地嘅熱情及拼勁，個個都嚷著「余sir我要踢」、「余sir我要入波」，就算休息時間，飲完一口水後已經大叫「我準備好啦」，真令我哭笑不得！更佩服呢班熱血嘅足球小將精力無限！

比賽戰情緊湊，身為教練及領隊的我，更驚嘆背後的支持者（即小朋友家長）比我想象中更落力打氣，歡呼、望門輕嘆、加油之聲此起彼落，無形中令小朋友增添信心及能量踢埋最後一口氣！而我，就為大家部署戰術、提場，仲比其他對手領隊既笑且妒形容我地「1-0戰術部隊」，看來我的調動也安排得宜吧！

不過，其實比賽結果對於我及呢班小朋友其實不是最重要，最重要係大家的熱情參與，能夠100%投入足球運動！雖然暑期比賽告一段落，但由我本人Alex Yu 牽頭的AC League 足球興趣班將繼續為呢班小朋友恆常開辦足球訓練，當然亦歡迎其他有興趣的家長/小朋友報名，詳情可與本會聯絡！

事不宜遲，大家可以分享以下連結，欣賞下呢兩班足球小將們的精彩比賽片段，睇睇邊個係明日之星！